Aqtóbede kásipkerler jıi kedergige tap bolatyn salalar anyqtaldy

AQTÓBE. QazAqparat - Aqtóbelik kásipkerler jer qatynastary, sáýlet, qala qurylysy bólimderi men salyq, memlekettik satyp alý jumystary kezinde kedirgilerge tap bolady. Byltyr aımaqtyq kásipkerler palatasy 200-ge jýyq kásipkerdiń quqyǵyn qorǵady, dep habarlaıdy QazAqparat tilshisi.  

Aqtóbe oblystyq kásipkerler palatasy 2017 jyldy qorytyndylady. Ótken jyly 184 kásipkerdiń quqyǵy qorǵalǵan.

«Kásipkerler jıi kedergige tap bolatyn salalar anyqtaldy. Olarǵa salyq, memlekettik satyp alý jumystary áli de qıyn. Sonymen qatar, jer qatynastary, qurylys, sáýlet memlekettik mekemelerindegi suraqtary sheshimin tappaıdy. Sýbsıdııa máselesi de alańdatady. Suraqtardyń sheshimin tez tabý úshin memlekettik organdar men kásipkerlerdi kezdestirip, keńes berildi», - dedi Aımaqtyq kásipkerler palatasy dırektorynyń orynbasary mindetin atqarýshy Rýslan Kúıshinov.  

Qazirgi kezde kásipkerler palatasynyń ókilderi 56 keńes berý uıymdarynyń quramynda bar. Sonymen qatar, bilikti esepshiler keńes beredi. Zańgerler klýby ashylyp, olar kásipkerlerge arnap arnaıy mobıldi baılanys jelisin ashyp qoıdy.

 

Aıta keteıik, aqtóbelik kásipkerler palatasy jyl ishinde 184 bıznes ıesiniń quqyǵyn qorǵap, olardyń 802 mıllıon teńgesin saqtap qaldy.