Aqtóbede kásipkerdi bopsalaǵan kúdikti ustaldy
AQTÓBE. QazAqparat - Aqtóbe qalasynda aqsha bopsalaǵandar arnaıy jasaqpen ustaldy, dep habarlaıdy QazAqparat tilshisi.
Aqtóbelik jas jigit maýsym aıynyń basynda polıtsııaǵa iri kólemde aqsha bopsalap júrgender týraly aryz túsirdi. Oblystyq polıtsııa departamentiniń qyzmetkerleri jedel izdeý sharasyn júrgizip, 34 jáne 39 jastaǵy eki aqtóbelikti 1 mıllıon teńge alyp jatqan jerinen ustady. Osy derekke qatysty Qylmystyq kodekstiń «Bopsalaý» baby boıynsha is qozǵaldy.
«Taıaýda osy sekildi taǵy bir qylmys tirkeldi. 6 maýsym kúni 26 jastaǵy kásipkerden aryz tústi. Ol 33 jastaǵy tanysynyń uzaq ýaqyttan beri 1,8 mıllıon teńgeni, sonymen qatar quny 200 myń teńge bolatyn uıaly telefonyn qorqytyp alǵanyn habarlady. Bopsalaýshy taǵy 5 mıllıon teńge suraǵanda jas jigit polıtsııaǵa júgingen. 20 maýsym kúni PD jedel qımyl arnaıy jasaǵy jiberilip, 4 mıllıon teńge alyp jatqan kúdikti ustaldy», - dedi oblystyq PD baspasóz jetekshisi Erbolat Sarqulov.
Aıta keteıik, eki derek boıynsha da qylmystyq is qozǵalyp, kúdiktiler qamaýǵa alyndy.
