Aqtóbede kásipkerden para alý kezinde jergilikti polıtsııa bastyǵy ustaldy
ASTANA. QazAqparat - Aqtóbede jeke kásipkerden para almaq bolǵan jergilikti polıtsııa qyzmetiniń bastyǵy ustaldy. Bul jaıynda QR ІІM Memlekettik til jáne aqparat departamentiniń dırektory Almas Sadýbaev málim etti, dep habarlaıdy QazAqparat.
«Aqtóbede oblystyq ІІD Ózindik qaýipsizdik basqarmasynyń qyzmetkerleri jeke kásipkerden bıznesine qamqorlyq jasaǵany úshin para alý barysynda Elek aýdandyq ІІB jergilikti polıtsııa qyzmetiniń bastyǵy N.Aldamjarovty ustady. Sotqa deıingi tergeý amaldary júrgizilýde», - dedi ol.
Sonymen qatar, Almas Sadýbaevtyń aıtýynsha, Ońtústik Qazaqstan oblysyna qarasty aýyldardyń birinde keshe belgisiz 4 adam kásipkerdiń úıine qaraqshylyq shabýyl jasaǵan.
«Olar sholaq myltyqpen jáne pyshaqpen otbasy múshelerin, onyń ishinde kámeletke tolmaǵan balalardy qorqytyp, jarty mıllıon teńgeden astam aqshany alyp ketken. Qazirgi ýaqytta qylmyskerlerdi ustaý sharalary júrgizilip jatyr», - dedi Almas Sadýbaev.
