Aqtóbede kásipkerden 100 myń teńge para alǵan aýyl ákimi sottaldy
Ákimge qatysty qatysty qylmystyq is №2 Aqtóbe qalalyq sotynda qaraldy.
Іs materıalyna súıensek, kásipker aýyl mańynan 2 gektar jer surap, baý-baqshaǵa kókónis egýdi josparlaǵan. Jer telimin jalǵa alý qujattaryn rásimdeý týraly sóz qozǵalǵanda aýyl ákimi M.Jarmuhanov mamyr aıyndaǵy merekeler úshin 100 myń teńge suraǵan. Kásipker ákimniń aqsha suraǵany týraly aqparatty Memlekettik qyzmet isteri jáne sybaılas jemqorlyqqa qarsy is-qımyl agenttiginiń oblystyq departamentine jetkizdi. Sot otyrysy kezinde sottalýshy ózine taǵylǵan aıypty tolyq moıyndap, kámelet jasqa tolmaǵan úsh balasyn eskerýdi, bas bostandyǵynan aıyrmaýdy surady. Ári jaza merzimin aıyppulmen óteý úshin ata-anasynyń baspanasyn satýǵa shyǵarǵanyn, ózinde eshqandaı múlik pen jınaq aqsha joq ekenin jetkizdi.
«Meırambek Jarmuhanov Qylmystyq kodekstiń «Para alý» baby boıynsha aıypty dep tanylyp, 2 jylǵa bas bostandyǵynan aıyrý, memlekettik qyzmette basshylyq qyzmetti atqarý quqyǵynan ómir boıyna aıyrý jazasy taǵaıyndalsyn», - dedi №2 Aqtóbe qalalyq sotynyń sýdıasy T.Aldanov.
Aýyl ákimi sot zalynan qamaýǵa alynady.