Aqtóbede qarjy pıramıdasyna qatysty tergeý bastaldy
AQTÓBE. QazAqparat - Aqtóbede qarjy pıramıdasyn qurý jáne basqarý faktisi boıynsha qylmystyq is qozǵaldy. Tergeý júrip jatyr, dep habarlaıdy QazAqparat tilshisi QM Qarjy monıtorıngi komıtetiniń baspasóz qyzmetine silteme jasap.
QR QM Qarjy monıtorıngi komıtetiniń Aqtóbe oblysy boıynsha Ekonomıkalyq tergeý departamenti «Q-net» kompanııasyna qatysty Qylmystyq kodekstiń «Qarjylyq (ınvestıtsııalyq) pıramıdany qurý jáne oǵan basshylyq etý» baby boıynsha tergeý jumysyn bastady. Bul kompanııaǵa tirkelý úshin saǵat, alqa, saqına jáne ózge de zergerlik buıymdardy, sondaı-aq shetelge tegin saıahat pen quny shamamen 2000 dollar bolatyn turmystyq taýarlardy satyp alý qajet. Al paıda tabý úshin ózimen birge taǵy 2 adamdy tirkeý mindetteledi.
«Olar da ónimderdi satyp alýy qajet. Bul jaǵdaıda Kompanııa aptasyna 1000 dollar kóleminde paıda tabýǵa ýáde bergen. «Q-net» kompanııasy jańa klıentterdi tartý maqsatynda áleýmettik jelilerde, ınternet-resýrstarda belsendi jarnama júrgizdiAdamdardy manıpýlıatsııalaý jáne olardy aqsha qarajattaryn salýǵa sendirý tásilderin úıretý úshin táýelsiz ókildermen únemi trenıngter ótkizgen. Osyǵan baılanysty Kompanııanyń klıentteri tirkeý jáne aqsha qarajatyn salý úshin bankterden jáne basqa qarjy ınstıtýttarynan 2000 AQSh dollary kóleminde nesıe rásimdeıdi. Qazirgi ýaqytta tergeý amaldary júrgizilip jatyr», - dep habarlady QR QM QMK baspasóz qyzmeti.
