17:06, 13 Shilde 2021 | GMT +5
Aqtóbede qarjy pıramıdasyna qatysty is tergelip jatyr
AQTÓBE. QazAqparat - Aqtóbede 150-ge jýyq adam aldanyp, polıtsııaǵa aryz túsirdi. Qazir qylmystyq is tergelip jatyr, dep habarlaıdy QazAqparat tilshisi.
Aqtóbe qalalyq PB Tergeý bóliminiń óndirisine «Qarjylyq pıramıdany qurý jáne oǵan basshylyq etý» baby boıynsha is túsip, tergeý júrip jatyr.
«Aqtóbe turǵyny 2020 jyldyń qańtar aıynda «Golden City – 200» JShS qarjy pıramıdasyn quryp, azamattardan aqsha aldy. Qarjylyq pıramıdaǵa basshylyq etip, Aqtóbe oblysynyń azamattaryna asa iri kólemde materıaldyq zalal keltirdi. Qazirgi tańda 150-ge jýyq jábirlenýshi aryzdandy. Qalǵan jábirlenýshiler aryz jazý úshin Aqtóbe qalasy Sánkibaı batyr dańǵyly 24 R mekenjaıyndaǵy Aqtóbe qalalyq PB №511 kabınetine kelýlerińiz suralady. Baılanys telefon:8778-362-17-60»,- dedi oblystyq PD baspasóz qyzmetiniń jetekshisi Erbolat Sarqulov.