Aqtóbede qarjy pıramıdasyna aldanǵandar ispen tanysyp jatyr
AQTÓBE. QazAqarat – Aqtóbede «Vygodnyı Depozıt» JShS-niń qarjy pıramıdasyna aldanyp qalǵandar ispen tanysyp jatyr, dep habarlaıdy QazAqparat tilshisi.
Aqtóbe oblystyq polıtsııa departamentiniń tergeý basqarmasy «Vygodnyı Depozıt» JShS-niń qarjy pıramıdasyna qatysty qylmystyq istiń tergeý jumysyn aıaqtady. Qazirgi ýaqytta qylmystyq is materıaldarymen tanysý satysynda tur.
«Jábirlenýshilerdi qylmystyq is materıaldarymen tanysý úshin shaqyramyz. Іspen tanysý 30 sáýirge deıingi jalǵasady. Ol úshin Aqtóbe qalasy, aǵaıyndy Jubanovtar kóshesi, 271 «a» úıi, 416-kabınet mekenjaıyna habarlasýdy suraımyz. Baılanys telefony: 936-416. Іs materıalyna súıensek, 2019 jyldyń qarasha aıy men 2020 jyldyń aqpan aıyna keıin kúdiktiler Aqtóbe, Atyraý, Almaty jáneAqtaý qalalarynyń aýmaǵynda «Vygodnyı Depozıt» JShS-niń qarjy pıramıdasyn ashyp, turǵyndardyń aqshasyn zańsyz ıemdengen. Sonymen qatar bólip tóleý arqyly avtokólik pen jyljymaıtyn múlikti qabyldaǵan», - dedi oblystyq PD baspasóz qyzmetiniń jetekshisi Erbolat Sarqulov.
Kúdiktilerge qatysty Qylmystyq kodekstiń 217-baby, ІІІ-bóligi 1,2-tarmaqtary, 262-babynyń 1,2-bólikteri boıynsha aıyp taǵyldy.
