Aqtóbede qarjy pıramıdasyn uıymdastyrǵan destrýktıvti dinı aǵym ókilderi ustaldy

NUR-SULTAN. QazAqparat – Aqtóbede destrýktıvti dinı aǵymnyń jaqtaýshylary qarjy pıramıdasyn uıymdastyrǵan, dep habarlaıdy Rolisia.kz.

Aqtóbe oblysy PD Uıymdasqan qylmysqa qarsy kúres basqarmasynyń qyzmetkerleri qylmystyq orta ókilderiniń jáne destrýktıvti dinı aǵymdardyń qylmystyq-baǵdarlanǵan jaqtaýshylarynyń zańsyz is-áreketiniń jolyn kesý boıynsha jedel-izdestirý is-sharalaryn júrgizý barysynda óńirde avtolombard túrindegi qarjy (ınvestıtsııalyq) pıramıdasyn qurý jáne basqarý faktisin anyqtady.

Avtolombardtyń atyn jamylyp turaqty qarjy pıramıdasy qurylǵany anyqtaldy. Jalǵan sharttarǵa sáıkes uıymdastyrýshylar salymshylarǵa avtokólik quraldaryn naryqtyq baǵadan joǵary baǵaǵa satyp alýǵa ýáde bergen, biraq avtokólikter naryqtyq baǵadan eki nemese odan da kóp ese tómen úshinshi tulǵalarǵa satylǵan, al tólemder jańa «klıentterdi» tartý arqyly júzege asyrylǵan.

Arnaıy operatsııany júrgizý kezinde Polıtsııa departamentiniń Uıymdasqan qylmysqa qarsy kúres bólimshesiniń jedel ýákilderi Aqtóbe oblysy boıynsha Ekonomıkalyq tergeý departamentiniń qyzmetkerlerimen birlesip, osy zańsyz qyzmetke qatysy bar degen kúdikpen qarjy pıramıdasynyń eki uıymdastyrýshysyn jáne basqa da adamdardy ustady.

Tintý barysynda arnaıy tehnıka, JShS-niń zańsyz qyzmetine qatysty qujattama, dinı sıpattaǵy ádebıetter, bank kartalary, elektrondyq jad tasymaldaǵyshtar jáne uıaly telefondar tárkilendi.

Qazirgi ýaqytta kúdikti pıramıda basshylary sottyń sanktsııasymen qamaýǵa alyndy.

Qarjy pıramıdasyna qatysýshy krımınalıtet ókilderi men destrýktıvti dinı aǵymdardy ustanýshylardy áshkereleý boıynsha odan ári tergeý-jedel is-sharalar júrgizilýde.