Aqtóbede qarjy pıramıdasyn qurǵan Reseı azamattary qamaýǵa alyndy
AQTÓBE. QazAqparat - Aqtóbe oblystyq polıtsııa departamenti «Gold» kompanııasyna qatysty sotqa deıingi tergeý júrgizip jatyr, dep habarlaıdy QazAqparat tilshisi.
«Qarjy uıymynyń basshylary, Reseı Federatsııasynyń eki azamaty QR QK 217-babynda qarastyrylǵan qylmys jasady degen kúdikpen ustaldy jáne 2 aı merzimge tergeý ızolıatoryna qamaldy. Kompanııa keńsesinde tintý sharalary ótkizilip, onyń barysynda qujattama men kompıýterlik tehnıka alyndy. Polıtsııa departamenti azamattardy áleýmettik jeliler men WhatsApp messendjerlerinde taraǵan jalǵan málimetterge senbeýge shaqyrady. Barlyq másele boıynsha Aqtóbe oblysynyń polıtsııa departamentine, Aǵaıyndy Jubanovtar kóshesi 271/1 nemese 729-052, 936-420 telefondary boıynsha habarlasýǵa bolatynyn habarlaıdy», - oblystyq polıtsııa departamenti baspasóz qyzmetiniń jetekshisi Erbolat Sarqulov.
Aıta keteıik, buǵan deıin Aqtóbede qarjy pıramıdasyn qurǵan uıym keńsesine tintý júrgizilgen bolatyn.
