Aqtóbede qarjy pıramıdasyn qurǵan kúdikti ustaldy
AQTÓBE. QazAqparat – Aqtóbe polıtsııasy «Vygodnyı zaım» seriktestiginiń quryltaıshysy J. Esirkepovti ustady, dep habarlaıdy QazAqparat tilshisi.
Aqtóbe oblystyq polıtsııa departamentiniń baspasóz qyzmeti tergeý bastalǵanyn, kez kelgen adam aryz jazýǵa quqyly ekenin habarlady.
«J.T. Esirkepov 22 aqpannan bastap Qylmystyq kodekstiń «Qarjy pıramıdalaryn qurý jáne basqarý» baby boıynsha kúdikke iligip, memleketaralyq izdestirýde boldy. Іzdeý jumystary nátıjeli, kúdikti ustaldy. Qarjy pıramıdasynan zardap shekken azamattar kez kelgen qalalyq polıtsııa bólimine habarlasa alady», - dedi oblystyq PD baspasóz qyzmetiniń jetekshisi Erbolat Sarqulov.
Eske salsaq, Aqtóbede aqpan aıynda birneshe qarjylyq uıym áshkerelenip, basshylaryna izdeý jarııalanǵan bolatyn.
