Aqtóbede qarjy fırmasy alaıaqtyq jasady dep aıyptalýda
AQTÓBE. QazAqparat – Qalalyqtarǵa az qarajat salyp, úlken tabysqa jetýdi usynǵan Aqtóbedegi qarjy fırmasyna qatysty «Alaıaqtyq» baby boıynsha qylmystyq is qozǵaldy, dep habarlaıdy QazAqparat tilshisi PD-nyń baspasóz qyzmetine silteme jasap.
«18 qańtarda Aqtóbe oblysynyń polıtsııa departamenti az qarajat salyp, úlken tabysqa jetýdi usynǵan Aqtóbedegi qarjy fırmasyna qatysty «Alaıaqtyq» baby boıynsha qylmystyq isti tirkedi. Іs áleýmettik jelilerden alynǵan málimetter negizinde qozǵaldy. Fırma qyzmetiniń zańdylyǵy tekserilip jatyr. Ázirge jábirlenýshiler polıtsııaǵa júginbeıinshe, barlyǵy aqshalaı tólemder alady», - dep túsinikteme berdi PD baspasóz hatshysy Erbolat Sarqulov.
Alaıda tergeý múddesi úshin fırmanyń ataýy jarııa etilmeıdi. Óz kezeginde polıtseıler aqtóbelikterge qarjylyq operatsııalar jasaýda erekshe saq bolýdy eskertedi.
