Aqtóbede qarý-jaraq ustaıtyndar men dúkender tekserildi
AQTÓBE. QazAqparat - Aqtóbede qarý-jaraq ustaıtyndar men dúkender tekserildi, dep habarlaıdy QazAqparat tilshisi.
Tártip saqshylary ákimshilik jáne qylmystyq quqyq buzýshylyqtyń aldyn alý maqsatynda «Ýchaske» jedel sharasyn ótkizýdi. Barlyǵy 7 myńǵa jýyq qarý ıesi tekserildi. Onyń ishinde 208-i qarýdy saqtaý men alyp júrý erejelerin buzǵan. Bári jaýapkershilikke tartyldy.
«Zańsyz aınalymnan 9 qarý tárkilendi, onyń 8-i tegis uńǵymaly jáne bireýi qoldan jasaǵan. Kóbine dabyl qondyrǵylarynyń talapqa saı emes, seıftegi artyq zattar nemese qarý saqtaý erejeleriniń oryndalmaıdy. Sonymen qatar qyzmettik qarýdy saqtaý, tirkeý jáne qoldaný tártibin buzǵan 26 nysandy anyqtady», - dedi oblystyq PD baspasóz qyzmetiniń jetekshisi Erbolat Sarqulov.
Aıta keteıik, Aqtóbe oblysynda qyzmettik qarý qoldanatyn 144 zańdy tulǵa tirkelgen. Onyń 124-i memlekettik emes kúzet qurylymdary, úsheýi arnaıy qarý dúkeni, tórteýi orman jáne ań álemin qorǵaý memlekettik mekemesi men 13 ınkassatsııa qyzmeti, oqý ortalyǵy. Jyl basynan beri tekserý nátıjesinde 26 nysanda qyzmettik qarýdy qoldaný, tasymaldaý, tirkeý jáne saqtaý tártibiniń buzylǵany anyqtaldy. Zań talaptaryn oryndamaǵan mekemelerdiń birinshi jetekshileri ákimshilik jaýapkershilikke tartyldy.
