Aqtóbede qarý ustap beınehabarlama taratqan er adam qamaýǵa alyndy
AQTÓBE. QazAqparat - Aqtóbe polıtsııasy qarý ustap, habarlama taratqan 33 jastaǵy turǵyndy ustady, dep habarlady QazAqparat tilshisi.
Qarý-jaraqty ustaǵan er adam «Whatsapp» messendjeri arqyly beıne úndeý jazǵan. Polıtsııa qyzmetkerleri buryn sotty bolmaǵan 33 jastaǵy aqtóbelik azamatty dereý ustady. Odan 16 kalıbrli ańshy myltyǵy tárkilendi.
«Atalǵan derek boıynsha QR QK 287-baby 3-bóligi, ıaǵnı, «Qarýdy, oq-dárilerdi, jarylǵysh zattar men jarylǵysh qurylǵylardy zańsyz saqtaý« baby boıynsha sotqa deıingi tergeý bastaldy. Qajetti saraptamalar taǵaıyndaldy. Kúdikti ýaqytsha ustaý ızolıatoryna qamaldy jáne turǵyndar úshin qaýip tóndirmeıdi», - dedi oblystyq PD baspasóz qyzmetiniń jetekshisi Erbolat Sarqulov.
