Aqtóbede qarý saqtaý tártibin buzǵandar jazalandy
AQTÓBE. QazAqparat - Aqtóbede «Ýchaske» aldyn alý sharasy ótti. Qarý saqtaý zańdylyǵyn buzǵan adamdardan 20 qarý-jaraq alyndy, dep habarlaıdy QazAqparat tilshisi.
«Ýchaske» jedel-aldyn alý sharasy kezinde ýchaskelik polıtsııa qyzmetkerleri 36 myń páterdi tekserip shyqty. Sonymen qatar, 88 myńnan astap jer úıler tekserildi. Nátıjesinde 600-den astam jaldamaly páter anyqtaldy.
«Tirkeýde turǵan 800 shetel azamaty tekserildi. Tekserý kezinde Kóshi-qon zańdylyǵyn buzǵan 400 derek anyqtaldy. Aldyn alý sharasy kezinde polıtsııa qyzmetkerleri 2 myńnan astam zańsyzdyqty anyqtady. Buzaqylyq, turmystyq quqyq buzýshylyq deregi tirkeldi. Mas kúıinde júrgen 500 adam ustaldy»,- dep habarlady Aqtóbe oblystyq ІІD baspasóz qyzmeti.
Sonymen qatar, polıtsııa qyzmetkerleri tirkelgen qarý-jaraǵy bar 2600-den astam adamdy tekserdi. Saqtaý erejesin saqtamaǵandardan 20 qarý alyndy.
