Aqtóbede kartop baǵasyn turaqtandyrý úshin elimizdiń ońtústigimen kelisim jasalady
AQTÓBE. QazAqparat – Aqtóbede kartoptyń kelisi 320-360 teńge, al shaǵyn dúkenderde 400 teńgege jetti. Baǵa turaqtylyǵyn qamtamasyz etý úshin «Aqtóbe» ÁKK-y elimizdiń ońtústik óńirlerinen kókónisti jetkizý qyzmetin óz mindetine almaq, dep habarlaıdy QazAqparat tilshisi.
Aqtóbe oblystyq statıstıka departamentiniń habarlaýynsha, óńirde kartop baǵasy 26,6 paıyzǵa kóterilgen. Sonymen birge sábiz baǵasy 12, pııazǵa 11,3 paıyzǵa ósti.
«Qazirgi kezde oblysta kartop pen sábiz baǵasy ósti. Kartoptyń kelisi kóterme bazarda 300-320 teńge bolsa, sábiz 360-380 teńge boldy. Onyń óz sebebi bar. Elimizdegi ońtústik óńirdiń óndirýshileri baǵany kóterip jibergen. Kelisin 260-280 teńgege saýdalap jatyr. Sonymen birge tasymaldaýyshylar da óz baǵasyn qosady. Olar janarjaǵarmaı baǵasyna da baılanystyryp otyr», - dedi oblystyq kásipkerlik basqarmasy basshysynyń orynbasary Asqar Kókeev. Qazirgi kezde «Aqtóbe» ÁKK-y aımaqaralyq kooperatsııa aıasynda baǵany tómendetýdi josparda bar. Eki júk kóligin jiberip, arzan kókónis jetkizýge ýáde etti.
