Aqtóbede karateden Qazaqstan chempıonaty ótedi
ASTANA. QazAqparat - Aqtóbe qalasynda karateden Qazaqstan chempıonaty ótedi, dep habarlaıdy QazAqparat tilshisi.
QR Ulttyq olımpıadalyq komıtetiniń baspasóz qyzmetinen málim etkendeı, birinshilik 28-30 qarasha aralyǵynda ótedi. Onda barlyq oblystar men respýblıkalyq mańyzy bar qalalardan jınalǵan sportshylar baq synaıdy. Olardyń qatarynda qurama komandanyń úzdikteri bar.
Chempıonat aıaqtalǵan soń, ulttyq qurama jańartylyp, bolashaǵynan úmit kúttiretin jastar komanda qataryna alynady.
Eske sala keteıik, bıylǵy maýsym qazaqstandyq karateshiler úshin jaman bolǵan joq. Azııa oıyndarynda Gýzalııa Gafýrova chempıon atansa, álem chempıonatynda Darhan Asadilov qola júldege qol jetkizdi.
Sondaı-aq, premer-lıga kezeńderinde Danııar ıÝldashev kúmis júlde ıelendi.
