Aqtóbede karantın shekteýleri jeńildedi

AQTÓBE. QazAqparat – Aqtóbe oblysynda karantın shekteýi jeńildedi. Endi keıbir nysandarda «Ashyq» mobıldi qosymshasyn qoldanbasa bolady, dep habarlaıdy QazAqparat tilshisi.

Aqtóbe oblysynyń bas memlekettik sanıtarııa dárigeri QR bas memlekettik sanıtar dárigeriniń jańa qaýlylary negizinde sheshim shyǵardy.

Endi kásipkerlik obektilerde «Ashyq» mobıldi qosymshasyn paıdalaný mindetti emes.

Sonymen birge jumys ýaqytynda shekteý bolmaıdy.

«Bilim berý uıymdarynda áleýmettik araqashyqtyqty saqtaý mindettelmeıdi. Oqýshylar men muǵalimder dene qyzýyn ólshemese de bolady. Degenmen «Ashyq» mobıldi qosymshasyn paıdalaný, áleýmettik araqashyqtyqty saqtaý jáne dene qyzýyn ólsheý týraly túbegeıli sheshimdi mektep ákimshiligi bekite alady. Keı nysandarda áli de maska taǵý mindetti. Olar: qyzmet kórsetý jáne demalýǵa arnalǵan úı-jaılar, qoǵamdyq kólik», - dep habarlady oblystyq sanıtarııalyq-epıdemıologııalyq baqylaý departamentiniń baspasóz qyzmeti.