Aqtóbede karantın shekteýin óreskel buzǵan birneshe meıramhana jabylýy múmkin
Monıtorıng toby jáne jergilikti polıtsııa qyzmetinen túsken materıaldarǵa sáıkes Ákimshilik quqyq buzýshylyq týraly Kodekstiń 425-baby 1-bóligi boıynsha 169 mıllıon teńgeden astam aıyppul salyndy. Koordınatsııalyq ortalyqtardan túsken shuǵyl habarlama negizinde jospardan tys 19 tekserý júrgizildi. Tekserý qorytyndysy boıynsha 18 nysanǵa 5 mln teńge kóleminde aıyppul salyndy.
«Karantın talabyn birneshe ret buzǵan 13 nysan boıynsha materıal (qoǵamdyq tamaqtaný obektileri saltanatty, otbasylyq, ujymdyq is-sharalar ótkizdi, karaoke, kompıýterlik klýbtar jumys istedi) ákimshilik sotqa berildi. Endi qyzmetin toqtatýy múmkin. Olar: «Dıana», «Andr», «Saltanat saraıy», «Dýlat», «1001 tún», «Ǵarysh», «Nur», «Han Orda» meıramhanalary, «Dýsha» karaoke klýby, «Virtual club» , «Sun STRIKE» oıyn klýby (kompıýterlik) jáne ózgesi«, - dedi Aqtóbe oblystyq sanıtarııalyq-epıdemıologııalyq baqylaý departamentiniń baspasóz qyzmeti.
Aıta keteıik, koronavırýs ınfektsııasynyń aldyn alý maqsatynda Aqtóbe oblystyq sanıtarııalyq-epıdemıologııalyq baqylaý departamenti barlyq kásipkerlik sýbektisine jappaı jańa jyldyq is-sharalaryn ótkizýge (onyń ishinde erteńgilikter, korporatıvter), menshik nysanyna qaramastan barlyq obektiler men uıymdarda ujymdyq, toptyq merekelik is-sharalardy uıymdastyrýǵa tyıym saldy.
