Aqtóbede karantın rejımin jeńildetý taǵy keıinge shegerildi
AQTÓBE. QazAqparat - Aqtóbede osymen ekinshi apta karantın rejımin jeńildetý keıinge shegerildi, dep habarlaıdy QazAqparat tilshisi.
Aqtóbe oblysynda sońǵy táýlikte taǵy 18 adam indetke shaldyqqan bolatyn. Oblystyq taýarlar men kórsetiletin qyzmetter sapasy men qaýipsizdigin baqylaý departamentiniń basshysy Nursulý Berkimbaeva jergilikti arnada ótken tikeleı efır kezinde 25 mamyr kúni karantın rejımi jeńildemeıtinin habarlady.
«Aqtóbe qalasynda aýrý órship tur. Qazir ósim 7 paıyzdan joǵary. Buǵan deıin keıbir nysandy 25 mamyrdan bastap ashýdy josparlasaq, kórsetkishke qarap keıinge shegerýge týra keldi. Kelesi aptada taǵy da baqylaımyz. Qala turǵyndaryna aıtarymyz, úıden sebepsiz shyǵýǵa bolmaıdy. Kásipkerler shydamdy bolýy kerek. Tártipti saqtaǵan jón», - dedi Nursulý Berkimbaeva.
Eske salsaq, ótken aptada Aqtóbede balabaqshalar jumysy keıinge shegerilgen bolatyn.
