Aqtóbede karantın rejımin jeńildetý keıinge shegerilýi múmkin
AQTÓBE. QazAqparat – Aqtóbede sońǵy táýlikte 29 adamnan koronavırýs ınfektsııasy anyqtaldy. Ósim 15 paıyzdan asyp ketti, dep habarlaıdy QazAqparat tilshisi.
Oblystyq taýarlar men kórsetiletin qyzmetter sapasy men qaýipsizdigin baqylaý departamenti 18 mamyrdan bastap iri bazarlar men aýmaǵy 2 000 sharshy metr bolatyn saýda oryndaryn, mektepke deıingi uıymdardaǵy kezekshi toptardy, balalardyń túzetý kabınetteri men bilim berý ortalyqtaryn, úıirmeler, sulýlyq salondaryna jumys isteýge múmkindik bermek edi. Sonymen birge tizimde týrıstik kompanııalar, saıabaqtar, alańdar, skverler bar. Sportshylar men mádenıet qyzmetkerleriniń jumysqa barýyna ruqsat berip, jazǵy kafelerdi daıyndady. Biraq ósim 5 paıyzdan asyp, oblystyń bas sanıtary karantın rejımin jeńildetýdi keıinge shegerýge usynys jasady.
«Biz 18 mamyr kúni karantın rejımin jeńildetýdiń tórtinshi kezeńin iske qosýdy josparlaǵan edik. Biraq osy aptada ósim artyp, oblys ákimine keıinge shegerý týraly usynys aıtyldy. Qosymsha habar beremiz», - dedi oblystyq taýarlar men kórsetiletin qyzmetter sapasy men qaýipsizdigin baqylaý departamentiniń basshysy Nursulý Berkimbaeva.
