Aqtóbede karantın rejımin saqtamaǵandardyń kóligi aıyp turaǵyna qoıyldy
«Іri óndiris oryndary óz jumysshylarynyń kóligin ákimdik arqyly «Sergek» baǵdarlamasyna tirkeýi qajet edi. Onda adamdardyń jumys ýaqyty, kúnderi anyq jazylýy tıis. Búgin tańerteń kólik ıelerin jappaı tekserý bastaldy. Eki saǵatta 50-den astam adam ákimshilik jaýapqa tartylyp, kóligi arnaıy turaqqa qoıyldy. Olarda anyqtama qujaty bolmady, sonymen birge kásiporyn basshylary jumysshylarynyń qaýipsizdigine selsoq qaraǵan. Sonyń ishinde kommýnaldyq mekemeler men azyq-túlik, dári-dármek tasymaldaýshylar da bar», - dedi oblystyq jergilikti polıtsııa qyzmetiniń bólim bastyǵy Aıdos Quljanov.
Aıta keteıik, óńirde barlyǵy 600-den astam quqyqbuzýshylyq tirkeldi. Ákimshilik quqyq buzý týraly kodekstiń «Tótenshe jaǵdaı rejımin buzý» baby boıynsha 138 adam qamaldy.
Sonymen birge 200-ge jýyq adamǵa aıyppul salyndy. Beıbereket kóshede júrgen adamdardyń kóbine eskertý berildi. Al «Tótenshe jaǵdaıda quqyq tártibin buzýǵa ıtermeleıtin is-áreketter» baby boıynsha 12 adam qamalǵan. Sotqa jiberilgen materıaldar da bar.
Polıtsııa blokpostty aınalyp ótpek bolǵan adamdardy áli anyqtap jatyr. Óńirde 31 derek tirkelgen. Polıtsııa qala turǵyndaryna el ishindegi shekteýlerdi qatań saqtaýǵa, úıde otyrýǵa keńes beredi.