Aqtóbede karantın kezinde qumar oıynǵa bás tigýge ruqsat bergender anyqtaldy
AQTÓBE. QazAqparat - Aqtóbede mobıldi top karantın talabyn buzǵandardy anyqtady. Bás tigýge ruqsat bergen adamdarǵa qatysty ákimshilik materıal jınaldy, dep habarlaıdy QazAqparat tilshisi.
Aqtóbe qalasyndaǵy mobıldi top quramynda polıtsııa qyzmetkerleri, epıdemıologtar men eriktiler, jergilikti atqarýshy bılik ókilderi bar. Áleýmettik jelige montorıng júrgizý kezinde karantın erejesin buzǵandar anyqtaldy. Aqtóbe qalasyndaǵy 12 shaǵyn aýdanda kópqabatty úılerdiń birinde qumar oıynǵa bás tigý toqtamaǵany týraly materıal jaryqqa shyqty. Tekserý kezinde aqparat rastaldy. Ákimshisin jaýapqa tartý úshin materıal jınalyp, oblystyq taýarlar men kórsetiletin qyzmetter sapasy men qaýipsizdigin baqylaý departamentine joldandy.
«Aqtóbe qalasy boıynsha 1200 nysan tekserildi. Barlyǵy 297-i karantın erejesin buzdy. Onyń 57-i jeke, 240-y zańdy tulǵa. Polıtsııa sanıtarııa talabyn saqtaýǵa shaqyrady», - dedi oblystyq PD baspasóz qyzmetiniń jetekshisi Erbolat Sarqulov.
