Aqtóbede qaraqshylyq shabýyl jasaǵan kúdiktiler ustaldy
AQTÓBE. QazAqparat – Aqtóbede jaldamaly páter ıesin qaıshymen qorqytyp, baǵaly zattary men aqshasyn alyp ketken kúdiktiler ustaldy, dep habarlaıdy QazAqparat tilshisi.
Aqtóbe qalalyq polıtsııa bólimine jaldamaly páter turǵynyn qorqytyp, qaraqshylyq shabýyl jasǵan eki adam týraly aqparat tústi. Oqıǵa ornyna jedel jetken top birden izdestirý jumysyna kiristi.
«Jaldamaly páterdiń esigin belgisiz adamdar qaqqan kezde 48 jastaǵy er adam esh oılanbastan ashqan. Osy ýaqytta olar páterge basa kóktep kirip, páter ıesin qaıshymen qorqytqan. Keıin úıinen «Samsung» markaly uıaly telefonyn, 20 000 teńge aqshasyn, sondaı-aq kúrtesheni urlap ketken. Shyǵyny 120 000 teńgeni qurady. Oqıǵa ornyna polıtsııa qyzmetkerleri jedel jetip, bir saǵat ishinde kúdiktilerdi ustady», - dedi oblystyq PD bastyǵy Atyǵaı Arystanov.
Qazir Qylmystyq kodekstiń «Qaraqshylyq» babymen is qozǵalyp, eki kúdikti qamaldy. Tergeý júrip jatyr.
