Aqtóbede qar jınaýǵa jaýapty merdigerler úzilissiz jumys istep jatyr

AQTÓBE. KAZINFORM — Úsh kúnde 9 800 tekshe metr qar jınaldy. Merdigerler eki aýysymda jumys istep jatyr.

Aqtóbe qalasynda úsh táýlikten beri qar jaýyp tur. Qar jınaý jumystary da eki aýysymda ári úzdiksiz júrgizilip jatyr.

— Aqtóbe qalasy aýmaǵynda jalpy aýdany 7 mln sharshy metr bolatyn 18 jol ýchaskesi bar. Oǵan 13 merdiger mekeme jaýapty. Tolassyz qar jaýyp, merdigerler kúsheıtilgen rejımde jumys istep jatyr. ıAǵnı ár aýysymǵa táýligine 10-12 saǵat jumys bekitildi. Arnaıy kólik tek júrgizýshiler aýysqanda, janar-jaǵarmaı quıǵanda ǵana jeliden shyǵady, — dedi Aqtóbe qalasy ákiminiń baspasóz qyzmeti.

2-qańtar kúni kúndiz 200 arnaıy tehnıka jumyldyryldy.

Aıta keteıik, Aqtóbede birqatar jolda kólik qozǵalysyna shekteý qoıyldy. Sonyń ishinde júk jáne qoǵamdyq kólik qozǵalysyna ýaqytsha shekteý bar.