Aqtóbede qar jaýǵanda asfalt tóseldi
AQTÓBE. KAZINFORM - Aqtóbe qalasyndaǵy Smaǵulov kóshesine qar jaýǵanda asfalt tóseldi. Endi ákimdik merdigerdi sotqa bermek.
«Halyq qatysatyn bıýdjet» jobasy aıasynda kóshege asfalt tóselýi tıis boldy. Tapsyrys berýshi - Aqtóbe qalasy Almaty aýdany ákimdigi. Alaıda merdiger jazda emes, kúz kelip, qar jaýǵanda asfalt tósedi. Áleýmettik jelidegi beınejazbadan asfalttyń áp sátte úgitilip jatqanyn kórýge bolady.
- «Alau Qurylys04» JShS Almaty aýdanyna eskertpeı, óz betimen asfalt ákelgen búgin. Almaty aýdany ákimdiginen ókilder baryp, merdigerge eskertý jasady, jumysy qabyldanbaıtyny, kelisimshart úziletini eskertildi. Sotqa beriledi, - dedi Almaty aýdany ákimdiginiń sektor meńgerýshisi Almas Erjanuly.
Eske salsaq, Aqtóbe qalasy Marat Ospanov kóshesinde jol jóndegen merdiger jańbyr kúni jumysyn toqtatpady. Olar asfalt jabyndysyna qajetti qospanyń sol ýaqytta daıyn bolǵanyn, aýa raıy boljamynda jańbyr jaýatyny kórsetpegenin, 5 jyldyq kepili bar ekenin aıtty.
