Aqtóbede qar sýy respýblıkalyq joldan asyp aqqan

AQTÓBE. KAZINFORM – Aqtóbede Qandyaǵash-Embi-Shalqar-Yrǵyz respýblıkalyq mańyzy bar tasjoldyń Ulpan aýyly mańyndaǵy 1 shaqyrym bóligine qar sýy jaıyldy. Sý joldyń betimen ótti.

Aqtóbe oblysy ákimi baspasóz qyzmetiniń habarlaýynsha, joldan ótken sý bıiktigi 10-20 sm jetken. Joldyń jan-jaǵyn bekitý úshin 700 qum toly qaptan qorshaý jasalyp, 200 tonna qum tóseldi.

- Oqıǵa ornyna aýdan ákimi Janbolat Jıdehanov arnaıy bardy. Jaǵdaı aýdan basshynyń tikeleı baqylaýynda. Búgingi kúni aýdanda jedel shtab óz jumysyn bastady. Baılanys nómirleri: 8 (71335) 23-7-73 jáne 112. Qazirgi tańda atalǵan aýmaqta jaǵdaı qalypty. Avtokólikterdiń qozǵalysyna shekteý qoıylǵan joq. Quzyrly mekemeler tarapynan jol boıynda kezekshilik uıymdastyryldy, - dep habarlady Aqtóbe oblysy ákimi baspasóz qyzmeti.

Aıta keteıik, oqıǵa ornyna tótenshe jaǵdaılar qyzmeti, joldy kútip ustaýǵa jaýapty «QAJservıs» JShS-niń jumysshylary men temirjolshylar da baryp, jol jıegin bekitý jumysyn júrgizdi.