Aqtóbede qar sýy aýyl turǵyndaryn ábigerge saldy

AQTÓBE. KAZINFORM – Shalqar aýdany Bozoı aýylynda kún kúrt jylyp, kóshelerge sý jınaldy. Sý sorý jumystaryna 16 tehnıka jumyldyryldy.

Қар суы
Фото: Видеодан алынды

Bozoı aýylyndaǵy qar sýyn sorý jumystaryna 16 tehnıka men 24 adam jumyldyryldy. Sonymen birge tehnıka kómegimen sý jınalǵan jer jyryldy.

- Qar erip, sý sorý jumysy shuǵyl júrgizildi. Qazir áleýmettik nysandar men úılerge esh qaýip tónip turǵan joq. Tek resmı derekke sený kerek. Eger qosymsha suraq bolsa adamdar jergilikti ákimdikke habarlasa alady,- dedi aýyl ákiminiń mindetin atqarýshy Baǵdagúl Aıazbaeva.

Aıta keteıik, Bozaı aýylynda 7 naýryzdan 8 naýryzǵa qaraǵan túni jaýyn-shashyn bolǵan. Keıin qar kúrt erigen. Aqtóbe oblystyq TJD baspasóz qyzmetiniń habarlaýynsha, qyzmetkerler Aqtóbe qalasyndaǵy 11 baý-baqsha ujymyna bardy. Onda 235 úıge sý tasqyny men odan qorǵaný týraly jandynama taratty. 20982 áskerı bóliminiń qyzmetkerleri Jańaqonys turǵyn alabyndaǵy arnalardy tazartty.

- Oblysta TJD jáne jergilikti atqarýshy organdardyń kúshimen sý basqan aýmaqtardaǵy qardy shyǵarý, sý arnalaryn tazartý, jaǵalaýlardy nyǵaıtý, bógetterdi salý jáne sýdy aǵyzý jumystary júrgizilip jatyr. Nátıjesinde oblys aýmaǵynan 58 100 tekshe metr qar shyǵaryldy. Aqtóbe oblysynyń ózen arnalarynda aýmaǵy 300 sharshy bolatyn qamys shabyldy. Sonymen birge 1730 tekshe sý sorý jumystary júrdi. 11 naýryzda Oıyl aýdanynyń Bersıev, Sarqyraýyq, Aqmeshit, Oıyl, Ashyqbaı aýyldaryndaǵy 3600 sharshy metr aýmaqta jarylys jumystary júrgizildi, - dep habarlady Aqtóbe oblystyq TJD baspasóz qyzmeti.

Sınoptıkterdiń habarlaýynsha, erteń oblystyń soltústiginde, shyǵysynda tuman túsedi. Aýa temperatýrasy túnde 0-5, oblystyń shyǵysynda -8 gradýs, kúndiz -2 gradýs sýyq , oblystyń ońtústiginde +6 gradýs jyly bolady. Al 13 naýryz kúndiz oblystyń batysynda, soltústiginde jańbyr jaýady. 14 naýryzda túnde oblystyń soltústiginde, shyǵysynda jańbyr, qar jaýyp, arty kóktaıǵaqqa ulasýy múmkin. Oblystyń batysynda, ońtústiginde, ortalyǵynda tuman túsedi. Aýa temperatýrasy túnde -3 gradýs sýyq, al oblystyń ońtústiginde +10+13 gradýs jyly bolady.

Eske salsaq, Aqtóbe qalasy men 8 aýdanda muz jarý jumystary júrip jatyr. 

Сейчас читают