Aqtóbede qar qursaýynda qalǵan kólikterden 132 adam evakýatsııalandy
AQTÓBE. QazAqparat - «Samara - Shymkent» tasjolynda qalyp qoıǵan kólikterden 132 adam evakýtsııalandy, onyń 17-si - bala, dep habarlaıdy QazAqparat tilshisi.
Qarashanyń alǵashqy kúnderinde Aqtóbede boran soǵyp, júzdegen kólik qar qursaýynda qaldy. TJD kólikterdiń qysqa daıyn bolmaǵanyn, arnaıy dońǵalaq salynbaǵanyn aıtty.
«Barlyǵy 7 jylytý ortalyǵyna 132 adam jetkizildi. Onyń arasynda balalar da bar. Kempıngke jetkizilgender tamaqpen qamtamasyz etildi. Ári kóligin tastap ketýden bas tartqan júrgizýshilerge azyq-túlik jetkizildi. Sonymen qatar suıytylǵan kógildir otyn bar», - dep habarlady oblystyq TJD baspasóz qyzmeti.
Boran kúni Yrǵyz aýdanynyń Qurylys, Sheńbertal, Janys bı aýyldary jaryqsyz qaldy. Ol jerde mamandar jumys istep jatyr.
Aıta keteıik, qutqarý jumystaryna Yrǵyz aýdandyq atqarýshy organdary, gaz, jol qyzmeti, jergilikti polıtsııa qyzmeti, ortalyq aýrýhana qatysty.
