Aqtóbede qar qursaýynda qalǵan adamdar qutqaryldy
AQTÓBE. QazAqparat – Aqtóbede aýa raıy kúrt nasharlap, jolda qalǵan adamdardy tótenshe jaǵdaılar qyzmetkerleri qutqardy, dep habarlaıdy QazAqparat tilshisi.
Ótken táýlikte Aqtóbe oblysynyń aýmaǵynda aýa raıynyń nasharlaýyna baılanysty eskertý jarııalandy. Respýblıkalyq jáne oblystyq mańyzy bar avtomobıl joldarynyń 7 ýchaskesinde qozǵalys ýaqytsha shekteldi.
«TJD qyzmetkerleriniń kúshimen qar qursaýynan 8 adam qutqaryldy, onyń ishinde 2 bala. Sonymen birge 57 adam evakýatsııalandy, onyń ekeýi bala. «Aqtóbe-Atyraý-Astrahan» tasjolynyń Baıǵanın aýdany mańynda 40 kólik qar qursaýynda qaldy. Qutqarýshylardyń kómegimen 57 adam, onyń ishinde 2 bala Jarly aýylyna evakýatsııalandy», - dep habarlady oblystyq TJD baspasóz qyzmeti.
Sonymen birge Hromtaý aýdany Abaı aýylynan 14 shaqyrym jerde jáne Nıkeltaý stantsııasyna jaqyn mańda 8 avtokólikten 7 adam qutqaryldy. Onyń ekeýi bala. Oblystyq TJD baspasóz qyzmetiniń habarlaýynsha, barlyq jaǵdaıda júrgizýshiler daýyldy eskertýdi elemeı, kóliktiń tehnıkalyq jaǵynan jaramdy ekenine kóz jetkizbeı, alys jolǵa shyqqan.
