Aqtóbede qar kúreý, sý sorǵyzý jumysy qarqyndy júrip jatyr
AQTÓBE. QazAqparat – Aqtóbe oblysy aýmaǵynan 550 myń tekshe metr qar shyǵarylyp, 71 myń tekshe metr sý sorǵyzyldy. Óńirde sý basý qaýpi bar 30 eldi mekende baqylaý kúsheıtildi, dep habarlaıdy QazAqparat tilshisi.
Aqtóbe oblysynda qar baıaý erip jatyr. Oblystyq tótenshe jaǵdaılar departamentiniń basqarma bastyǵy Qumar Turmaǵambetov óńirlik kommýnıkatsııalar qyzmetinde ótken brıfıngide sý tasqynyna qarsy jumys pen eldi mekenderdegi jaǵdaıdy aıtty.
«Aýdan ortalyqtarynda sý tasqynyna qarsy shtab quryldy. Aqtóbe qalasynda da shtab bar. Turǵyndar habarlasyp, komıssııadan kómek suraı alady. Sonymen birge oblysta 1500-den astam adam, 400-den astam tehnıka daıyn tur. Aqtóbe qalasynda 100-den astam kólik ıesimen kelisimshart jasalyp, olar jumysyn bastady. Jol astyndaǵy sý ótkizý qubyrynyń 60% jáne kópirdiń 90 % tazartyldy. Birer kúnde jumys aıaqtalady», - dedi Qumar Turmaǵambetov.
Oblysta 30 eldi meken qaýipti aımaqta tur. Onda 11 myńnan astam adam turady.
«Qaýipti aımaq bolǵanymen, bári sýǵa ketedi dep aıtýǵa bolmaıdy. Tasqyn sýdyń saldaryn joıý úshin 218 mln teńgeden astam qarajat
