Aqtóbede qańtar aıynda 55 adam kólik apatynan zardap shekken
AQTÓBE. QazAqparat – Jyl basynan beri Aqtóbe oblysynda 30-dan astam jol-kólik apaty bolyp, 2 adam kóz jumdy, dep habarlaıdy QazAqparat tilshisi.
Qysta jol qozǵalysy qıyndap, qaýip kúsheıedi. Aqtóbe oblystyq polıtsııa departamentiniń bastyǵy Atyǵaı Arystanov júrgizýshilerdi saq bolýǵa shaqyryp, jol erejesin saqtaýdyń mánin túsindirdi.
«Óńirde jol apaty men jazataıym oqıǵa kezinde qaza bolǵan adamdar sany azaımaı otyr. Birinshiden, júrgizýshiler jol erejesin saqtamaıdy.
Ekinshiden, kólik quralyn mas kúıinde basqaryp, qozǵalys jyldamdyǵyn arttyrady. Qaýipsizdik beldigin paıdalaný qaǵıdalaryn saqtamaıdy. Alda kele jatqan kólikti basyp ozbaq bolsańyz, mindetti túrde onyń jol beretinine kóz jetkizgen jón», - dep keńes beredi A.Arystanov.
Jyl basynan beri oblysta 36 jol-kólik oqıǵasy boldy. Onda 2 adam qaza taýyp, 55 adam jaraqat aldy.
