Aqtóbede qańǵybas ıtterge arnalǵan kórme ótip jatyr
Aqtóbedegi óner mýzeıinde erekshe kórme ashyldy. «Aqtóbedegi ıtter: qańǵybastardyń tirshiligi» atty kórmege barlyǵy 45 sýret qoıylǵan. Ári qaıyrymdylyq jáshigi bar. Eriktiler osy arqyly ıesiz ıtterge qamqorlyq kórsetip, olardy tamaqtandyrmaq. Tipti arnaıy úıshik, qarǵy baý alýǵa daıyn.
Ár sýrettegi ıttiń óz tarıhy bar. Máselen, Motıýdi eriktiler meıramhana janynan taýyp alǵan. Aıaǵy jaralanǵan ıtti emdep, jazyp aldy. Al Chınany aqtóbelikter alyp, keıin eki ret eriktilerge qaıtaryp bergen. Aqtóbelikterdiń kóbi ýaqyt az, ıtke qaraý múmkin emes bolǵan soń tórt aıaqty janýardy dalaǵa qaldyrady nemese eriktilerge tapsyrady.
Aıta keteıik, eriktiler ıtterdi arnaıy sýretke túsirdi. Jańa jyldyq sýretti Marııa Konnova túsirip, ıÝlııa Ýsýpbaeva árledi. Itterdi shyrsha janyna qoıyp, sándegen eriktiler olardy jaqsy adamdardyń qolyna tapsyrǵysy keledi. Sondyqtan arnaıy túsirilgen sýretke «Úıimdi izdeımin» degen jazba ilindi. Bul kórme bir aıǵa sozylady. 
