Aqtóbede qańǵybas ıt pen mysyqty aýlaýǵa 51 mln teńge bólindi
AQTÓBE. QazAqparat – Aqtóbe oblysynda bıyl qańǵybas ıt-mysyqty aýlaýǵa 51 mln teńgeden astam qarjy bólindi, dep habarlaıdy QazAqparat tilshisi.
Aqtóbe oblysynda qazir qańǵybas ıt-mysyqty aýlaý jumysy toqtap tur. Oblystyq veterınarııa basqarmasy bóliminiń basshysy Shahıdolla Rahımovtyń aıtýynsha, jańa erejege áli de ózgertýler men tolyqtyrýlar qajet.
«Aqtóbe oblystyq máslıhattyń sheshimine sáıkes bıyl 2 naýryzǵa deıin ıt-mysyqty aýlaý, ony joıý jumystary qalalyq jáne aýdandyq veterınarııa stansalary atqaryp keldi. Sodan keıin «Janýarlarǵa jaýapkershilikpen qaraý týraly» Zań qabyldandy. Sol zańǵa táýeldi normatıvtik-quqyqtyq aktilerdiń jobasy jasalyp, bizge berildi. Alaıda janýarlardy ustap, ustaý, joıý respýblıkalyq synaptamada qarastyrylmaǵan. Jumys isteýge osy kedergi. Qolda qarjy bar. Bıyl qańǵybas ıt-mysyqty aýlaýǵa 51 mln teńgeden astam qarajat bólindi», - dedi oblystyq veterınarııa basqarmasynyń bólim basshysy.
Jyl basynda 9 mln teńge ıgerildi. Jańa zań shyqqan soń jumys ýaqytsha toqtatyldy.
«Aqtóbe oblysynda ıtti aýlaý, ustaý, jansyzdardyrý jumystaryn júrgizetin arnaıy oryn joq. Buryn da bolmady. Erejede kórsetilýi tıis. Zań boıynsha uıymdastyrýdy jergilikti atqarýshy organ qurqan veterınarlyq bólimder, jeke kásipkerler júrgize alady», - dedi Sh.Rahımov.
