Aqtóbede kámeletke tolmaǵan qyzdy zorlady degen kúdikpen tergeý bastaldy
Búgin saǵat 10:15 shamasynda Aqtóbe qalalyq polıtsııa basqarmasy Jedel basqarý ortalyǵynyń 102 telefonyna habarlama tústi. Onda aǵaıyndy Jubanovtar kóshesindegi páterlerdiń birinde kámeletke tolmaǵan qyzdy belgisiz bireýdiń zorlaǵany týraly aıtylǵan.
«Oqıǵa ornyna polıtsııanyń barlyq jasaǵy, jedel-tergeý toby jiberildi. Polıtsııa jasaqtary belgisiz adamnyń páterge baryp, esikti qaqqanyn, úıde jalǵyz bolǵan qyzdyń esikti ashqanyn anyqtady. Páterge kirgen kúdikti kámeletke tolmaǵan qyzǵa jynystyq qylmys jasaǵan. Keıin qashyp ketken. Polıtsııanyń barlyq qyzmetiniń qajyrly jáne úılesimdi jumysynyń nátıjesinde jedel sharalar keshenin ótkizip, kúdiktini anyqtap, «izin sýytpaı» ustaldy. QR QK 120-baby 4-bóligi boıynsha sotqa deıingi tergeý bastaldy. Qylmystyq is polıtsııa departamenti bastyǵynyń baqylaýynda. Іshki ister organdary balalardy baqylaýdy qamtamasyz etý, qaýipsizdik erejelerin túsindirý qajet ekenin eske salady. Ásirese beıtanys adamdarmen sóılesýge bolmaıtynyn únemi aıtyp otyrý kerek», - dep habarlady oblystyq PD baspasóz qyzmeti.