Aqtóbede kámeletke tolmaǵan qyzdardy jezókshelikke ıtermelegen jeńgetaı ustaldy
AQTÓBE. QazAqparat - Aqtóbede kámeletke tolmaǵan qyzdardy józekshelikpen aınalysýǵa ıtermelegen kúdikti ustaldy, dep habarlaıdy QazAqparat tilshisi.
Aqtóbe oblysynyń polıtsııa departamenti, Krımınaldyq polıtsııa basqarmasynyń qyzmetkerleri saıttardyń biri arqyly aqshalaı syıaqy úshin klıentterge qyzdardy usynǵan jeńgetaıdy anyqtady.
«Osy derek boıynsha Qylmystyq kodekstiń «Kámeletke tolmaǵan adamdy jezókshelikpen aınalysýǵa tartý» babymen tergeý bastaldy. Sanktsııa boıynsha múlki tárkilenip, belgili bir laýazymdardy atqarý nemese belgili bir qyzmetpen aınalysý quqyǵynan ómir boıyna aıyra otyryp, 3 jyldan 6 jylǵa deıingi merzimge bas bostandyǵynan aıyrý jazasy qarastyrylǵan», - dedi oblystyq PD baspasóz qyzmetiniń jetekshisi Erbolat Sarqulov.
