Aqtóbede kámelet jasyna tolmaǵan balalar tóbelesip, bireýi pyshaq jaraqatyn aldy
AQTÓBE. QazAqparat – Aqtóbe qalasynda 17 jastaǵy bozbala pyshaq jaraqatyn alyp, aýrýhanaǵa tústi, dep habarlaıdy QazAqparat tilshisi.
Oblystyq polıtsııa departamentiniń kezekshi bólimine 17 jastaǵy bozbalanyń pyshaq jaraqatymen aýrýhanaǵa jetkizilgeni týraly habarlama tústi.
Oǵan óz zamandasy pyshaq salǵan.
Jábirlenýshi aýrýhanaǵa jatqyzyldy. Oǵan medıtsınalyq kómek kórsetildi. Qazirgi ýaqytta jábirlenýshiniń jaǵdaıy turaqty.
Qazir osy derek boıynsha qylmystyq is qozǵalǵan.
«Sonymen birge qalada 15 jastaǵy jasóspirimniń murny synyp, aýrýhanaǵa tústi. Ol úıiniń janyndaǵy mekteptiń fýtbol alańynda oınaǵan. Janjal barysynda oǵan beıtanys jigittiń dene jaraqatyn salǵany anyqtaldy. Jábirlenýshige medıtsınalyq kómek kórsetildi. Qazirgi ýaqytta jábirlenýshiniń jaǵdaıy turaqty. Kóbine baqylaýsyz qalǵan balalar qylmysqa barady. Osyǵan baılanysty oblystyq polıtsııa departamenti ata-analardan balalaryn qaraýsyz qaldyrmaýdy suraıdy», - dep habarlady oblystyq PD baspasóz qyzmetiniń jetekshisi Erbolat Sarqulov.
