Aqtóbede qalyńdyǵyna renjigen jigit bóten qyzdy alyp qashpaq boldy
AQTÓBE. QazAqparat - Aqtóbede qyz alyp qashpaq bolǵandardyń isi sotqa jetti. Bazar mańynda kezdesken qyzǵa úılenbek bolǵan jigit jaýapqa tartylady, dep habarlaıdy QazAqparat tilshisi.
Aqtóbede qyz alyp qashyp, úılenbek bolǵan jigittiń jaıyn oblystyq prokýratýranyń apparat basshysy Jasulan Dáýlembaev óz paraqshasynda túsindirip berdi.
«Hromtaý aýdanynyń jigiti otbasy múshelerine óziniń úılenetinin aıtyp, olar toıǵa daıyndalyp júrgen. Ýaqyt jaqyndaǵan kezde qyz ben jigit sózge kelip qalyp, qyz kúıeýge shyǵý týraly oıynan bas tartqan. Jigit óz týǵan-týystaryn renjitpeý úshin aldynan shyqqan kez kelgen qyzdy alyp qashpaq bolady. Oqıǵa Aqtóbe qalasyndaǵy ortalyq bazar mańynda bolǵan. Sol jerde bazardyń kúzetshisi kórip, qyzdy alyp qashpaq bolǵan eki jigitti ustap alady. Іs tergelip, sotqa jiberildi»,- dedi Jasulan Dáýlembaev.
Aqtóbe oblystyq Іshki ister departamentiniń Elek polıtsııa bólimi sotaldy tergeý jumysyn aıaqtap, isti sotqa jibergenin málimdedi.
ІІD baspasóz qyzmetiniń habarlaýynsha, qyz alyp qashpaq bolǵan eki jigitke qatysty qylmystyq is taıaý kúnderi qaralady.
