Aqtóbede qala turǵyndary 100 túp qaraǵaı otyrǵyzdy
ASTANA. KAZINFORM - Altyn orda aýdanynda bos jatqan alańqaıdy shaǵyn qaraǵaıly saıabaqqa aınaldyrý nıetimen aqtóbelik kásipker Qaıyrjan Tańatarov usynys bildirdi, Qazaqstannyń soltústik aımaǵynan bıiktigi 1,5 metr bolatyn jas qaraǵaılardy satyp alyp keldi. Ol bul sharany qalamyzdy kógaldandyrý chellendji dep jarııalap, aqtóbelik kásipkerlerge joldap, úndeý tastady.
«Óziniń turǵan jerin abattandyrýǵa, jasyl jelek egýge múmkindigi bolsa, ár adam úles qosýy kerek. Men osy aýdanda turamyn, kún saı̆yn osy jermen jaıaý júremin. Altyn orda aýdany jańadan salynyp jatyr, joldar, trotýarlar tóselip, rettelip keledi. Endi jasyl jelek az dep oı̆lap, osy bos jatqan jerdi qaraǵaı̆ly saıabaq jasaı̆yq dep qalalyq ákimdikke usynys tastadym. Meni olar qoldady, osy sharany uı̆ymdastyrýǵa múmkindik jasady. Eshkimdi búgin qolynan súı̆rep ákelgen joqpyn. Áleýmettik jelide habarlandyrý berdim, jastar, ózge de turǵyndar ózderi kelip aǵash otyrǵyzýǵa qatysyp jatyr. Endi bul chellenjdi basqa kásipkerler jalǵastyryp, qalamyzdy kórkeı̆týge úles qossa eken dep oı̆laı̆myn. Ári bul bizdiń Prezıdent jarııalaǵan “Taza Qazaqstan” jalpyulttyq aktsııasyna qosqan úlesimiz», - dedi Qaı̆yrjan Tańatarov.
Kásipker bul jerde skvajına qazylyp, sýarý júıesi jasalatynyn aıtty. Sonymen qosa, oryndyqtar, kishi sáýlet nysandary qoıylyp abattandyrylady, taǵy da qosymsha qaraǵaılar egiledi.
Bul sharaǵa óz erikterimen úles qosqan jastar úshin - úlgi bolarlyq bastama. Al kógaldandyrý mamandary bul aǵashtar Aqtóbeniń klımatyn jersinip, tez boı alyp ketetinine senimdi.
