Aqtóbede qala ortasynda stýdentti tonaǵan adam ustaldy
Aqtóbede bank ǵımaratynyń janynda 17 jastaǵy stýdentti tonap ketti. Belgisiz bireý onyń jolyn kesip, kúsh kórsetip, barlyq qundy zattaryn berýin talap etken. Jábirlenýshiden «Oppo A 52» uıaly telefony jáne 30 000 teńgesi bar ámııanyn tartyp alǵan.
«Jábirlenýshi dereý jaqyn mańdaǵy polıtsııa bólimine aryz túsirdi. Jedel-izdestirý sharalary barysynda polıtsııa qyzmetkerleri 20 jastaǵy kúdiktini ustady. Kúdikti isin moıyndady. Ol uıaly telefondy ıemdengennen keıin ony lombardqa tapsyryp, túsken aqshany óz qajettiligine jumsaǵan»,- dedi oblystyq PD baspasóz qyzmetiniń jetekshisi Erbolat Sarqulov. Osy oqıǵadan soń Qylmystyq kodekstiń «Tonaý» baby boıynsha sotqa deıingi tergeý júrip jatyr Osy baptyń sanktsııasy múlkin tárkileı otyryp, tórt jylǵa deıingi merzimge bas bostandyǵynan aıyrýdy kózdeıdi.