Aqtóbede qala avtoparkine jańa avtobýs ákelindi
AQTÓBE. KAZINFORM — Aqtóbe qalasyndaǵy avtoparkke 30 avtobýs ákelindi. Jyl sońyna deıin taǵy 50 avtobýs jańarady.
Aqtóbe qalasyna ákelingen avtobýstar № 1, 11 jáne 25 baǵytqa jiberiledi. Syıymdylyǵy 80 oryndyq avtobýstyń bári elimizde qurastyrylǵan. Yutong markaly qoǵamdyq kólikte jazdyń ystyǵynda salqyndatqysh qosylady. Sonymen birge múmkindigi shekteýli azamattarǵa arnalǵan jınalmaly pandýsy bar. «Avtopark» JShS dırektory Aqarys Tileýlesovtiń aıtýynsha, Yutong markaly 30 jańa avtobýsty satyp alýǵa 2023 jyly tapsyrys berilgenimen, olar bıyl, osy naýryz aıynda jetkizilgen. 2023 jyly mekeme barlyǵy 42 avtobýs satyp alypty.
«Kásiporyn óziniń avtoparkin birtindep jańartyp otyrady. 2022 jyly LIaZ, PAZ jáne Yutong markaly 33 avtobýs satyp alyndy. Bıyl qazan aıynda taǵy 50 avtobýs ákelý josparlanyp otyr. „Avtopark“ qoǵamdyq kólikterdi jańartýǵa 2022 jyly 1,4 mlrd teńge, 2023 jyly 2,7 mlrd teńge, 2024 jyly 3,5 mlrd teńge qarastyrdy», — dedi Aqarys Tileýlesov.
Aqtóbe oblysynyń ákimi Ashat Shaharov qoǵamdyq kólik sanyn áli de arttyryp, turǵyndarǵa sapaly qyzmet kórsetýdi tapsyrdy. Ásirese avtobýs kestege saı júrýi tıis.
Aıta keteıik, Aqtóbede 4 kásiporyn 46 baǵyt boıynsha jolaýshylardy tasymaldaýmen aınalysady. Kúndelikti jelige ortasha eseppen 278 avtobýs shyǵady. Qoǵamdyq tasymaldaýshylarǵa 10 mlrd teńgege jýyq sýbsıdııa berildi.
