Aqtóbedegi jarylystan zardap shekken eki adamnyń jaǵdaıy belgili boldy
ASTANA. KAZINFORM — Búgin Aqtóbede turǵyn úıdiń birinshi qabatyndaǵy kafede jarylys bolyp, saldarynan eki adam zardap shekti. Aqtóbe oblystyq
densaýlyq saqtaý basqarmasy zardap shekkenderdiń jaǵdaıyna qatysty málimet taratty.
№ 1 qalalyq kópsalaly aýrýhanasynyń bas dárigeri Qadyrbek Imanbaevtyń sózinshe, 2026 jylǵy 13 qarashada saǵat 10:28–de qoǵamdyq tamaqtaný nysanynda oryn alǵan oqıǵaǵa baılanysty jedel medıtsınalyq járdem qyzmetine shaqyrtý tústi.
— Bir mınýt ishinde oqıǵa ornyna jedel járdemniń eki brıgadasy jetti. Oqıǵa saldarynan eki adam zardap shegip, № 1 qalalyq kópsalaly aýrýhanaǵa jetkizildi. Zardap shekkenderdiń jaǵdaıy turaqty, ómirlerine qaýip tónip turǵan joq. Qazirgi ýaqytta olarǵa barlyq qajetti medıtsınalyq kómek kórsetilip jatyr, — dedi Qadyrbek Imanbaev.
Eske salsaq, jarylys saldarynan kafeniń japsarlas salynǵan qurylymy opyrylyp, artynsha órt shyqty. Sondaı-aq turǵyn úıdiń tereze qurylymdary zaqymdandy.