Aqtóbede iz-túzsiz ketken oqýshynyń denesi tabyldy
AQTÓBE. QazAqparat - Aqtóbede joǵalǵan oqýshynyń denesi aýyldan 4 shaqyrym jerden tabyldy, dep habarlaıdy QazAqparat tilshisi.
Aqtóbe oblystyq polıtsııa departamenti joǵalǵan Anatolıı Lebedevtiń denesi tabylǵanyn habarlady.
«Іzdeý toby oqýshynyń denesin Alǵa aýdany, Qaraqudyq aýylynan 4 shaqyrym qashyqtyqtan tapty. Jasóspirimniń denesinde eshqandaı zorlyq belgisi joq. Aldyn ala boljam boıynsha, oqýshy dalada úsip qalǵan. Sot-medıtsınalyq saraptama taǵaıyndaldy», - dep habarlady oblystyq PD baspasóz qyzmetiniń jetekshisi Erbolat Sarqulov.
Eske salsaq, oqýshy joǵalyp, izdeý jumysy júrgizildi. Jasóspirimdi tabýǵa kınologtar da jumyldyryldy.
