Aqtóbede ıtti pyshyqtap, aıaýsyz tepken oqýshyny polıtsııa esepke aldy
AQTÓBE. KAZINFORM – Oqıǵa Temir aýdany Keńqııaq aýylynda boldy. 9-synyp oqýshysy ıtti tepken, pyshaqtaǵan. Vıdeo áleýmettik jelige tarap ketti.
Aqtóbe oblystyq polıtsııa departamenti áleýmettik jelidegi vıdeony zerttep, balanyń kim ekenin anyqtady.
– Áleýmettik jelige taldaý júrgizý barysynda jas balanyń ıtti qorlap, pyshaq suqqan beınejazbasy anyqtaldy. Tekserý barysynda oqıǵa bıyl mamyr aıynda Temir aýdanynyń aýmaǵynda bolǵany jáne janýarǵa qatigezdik tanytqan 9-synyp oqýshysy ekeni belgili boldy. Oqýshy óziniń ata-anasymen birge polıtsııa bólimine jetkizildi. Qazirgi tańda polıtsııa tekserý jumystaryn júrgizip jatyr. Sonymen qatar oqıǵa aýdan ákimdigi janyndaǵy kámeletke tolmaǵandar isi jónindegi komıssııa otyrysynda balanyń ata-anasynyń qatysýymen qaralady. Jasóspirim polıtsııanyń esebine qoıylady. Sonymen qatar qylmystyq is qozǵaý máselesi sheshilip jatyr, - dep habarlady Aqtóbe oblystyq PD baspasóz qyzmetiniń jetekshisi Erbolat Sarqulov.
Eske salsaq, bıyl Aqtóbed 6 jasóspirim esirtki saýdasy boıynsha ustalyp, tergeý ızolıatoryna qamaldy.
