Aqtóbede ıt ustaý men serýenge shyǵarý erejelerin bekitý usynyldy

NUR-SULTAN. QazAqparat – Aqtóbe oblysy boıynsha úı janýarlaryn ustaý jáne serýenge shyǵarý erejeleri bekitý usynyldy. Búgin oblystyq máslıhat tıisti qaýly shyǵardy, dep habarlaıdy QazAqparat tilshisi.

«Úı janýarlaryn asúıler men jataqhana dálizderinde, jertólede, shatyrda, balkonda jáne ortaq paıdalanylatyn qosalqy úı-jaılarda ustaýǵa tyıym salynady. Itti ustaý múmkin bolmasa, onda ony ıesi basqa adamǵa berýge, ýaqytsha kútip-baǵý oryndaryna ornalastyrýǵa, zoologııalyq jatynjaıǵa tapsyrýǵa mindetteledi. It ózdiginen serýenge jiberilmeýi tıis. Ol baılaýly nemese úıshikte bolýy qajet», - delingen qaýlyda .

Qujatta ıtti tyıym salynbaǵan jerlerde 2 metrden aspaıtyn qarǵy baýmen, tumyldyryqsyz serýenge shyǵarýǵa bolatyny jazylǵan. Degenmen, janýar ıesi tumyldyryq alyp júrýge mindetti. Qajet bolǵan jaǵdaıda ony taǵýy tıis.

«Úı janýarlary kóshe nemese magıstral janynda bolǵan kezde olarǵa tumyldyryq kıgiziledi jáne 1,5 metrden aspaıtyn qysqa qarǵy baý taǵylady. Sondaı-aq, ıtti mektep, medıtsına jáne mádenıet uıymdary, sporttyq oıyn alańdarynyń aýmaǵynda ustaýǵa tyıym salynady», - dep kórsetilgen qaýlyda.

Qujat 10 kúnnen keıin zańdy kúshine enedi. Eske sala keteıik, kelesi jyldan bastap Aqtóbede ıtterge chıp taǵylady.