Aqtóbede ıt-mysyqty aýlaýǵa bıyl 100 mln teńge bólindi
AQTÓBE. KAZINFORM – It-mysyqty aýlaý bólingen qarjy byltyrǵa qaraǵanda eki ese az.
«Janýarlarǵa jaýapkershilikpen qaraý týraly» Zańǵa sáıkes óńirde ıt-mysyqty aýlaý, baǵý jumysy jalǵasady.
- Bıyl oblystyq bıýdjetten 100 mln teńge bólindi. Onyń 57 mln teńgesi aýlaý, 34 mln teńgesi kútip baǵýǵa baǵyttalady. Qazir buralqy ıtti aýlaý jumysy júrip jatyr. Qala shetindegi jeke seriktestiktiń veterınarııalyq-sanıtarııalyq talapqa saı keletin orny yńǵaıly bolyp tur,- dedi Aqtóbe oblystyq veterııanarııa basqarmasy basshysynyń orynbasary Berdimurat Bekjanov.
Aıta keteıik, Aqtóbe oblysy boıynsha byltyr buralqy ıtti aýlaý, ýaqytsha ustaý, sterıldeý jumystaryna 201 mln teńgeden astam qarjy qarastyryldy. Talap boıynsha veterınarııalyq stansada birneshe ıt aýlaýshy qyzmetker bolady. Olar kez kelgen ýaqytta, kez kelgen kúni tapsyrys qabyldap, aýlaý, jansyzdandyrý jumystaryn júrgizedi.