Aqtóbede ıt aýlaıtyn úsh top jumys istep jatyr
Aqtóbe oblystyq veterınarııa basqarmasynyń habarlaýynsha, bıyl qańǵybas ıt-mysyqty aýlaýǵa jáne joıýǵa oblystyq bıýdjetten 51 mln teńgeden astam qarjy qarastyryldy.
«Bıyl Aqtóbe qalasy men aýdandarda 3 792 ıt aýlanyp, joıyldy. Bul jumystar tek 2-naýryzǵa deıin atqaryldy. Aýlaý, joıý jumystaryna 9,8 mln teńgeden astam qarjy jumsaldy. Sonyń ishinde Aqtóbe qalasy boıynsha 2 294 bas ıt aýlanyp, joıyldy», - dep habarlady Aqtóbe oblystyq veterınarııa basqarmasy.
Keıin «Janýarlarǵa jaýapkershilikpen qaraý týraly» Zań shyqty.
«Zań resmı jarııalanǵan kúnnen keıin kúntizbelik alpys kún ótken soń, ıaǵnıń shilde aıynda qoldanysqa engiziledi. 2022 jyldyń 2-naýryzynan bastap, búgingi kúnge deıin «Janýarlarǵa jaýapkershilikpen qaraý týraly» Zańnyń 15-baby 4-tarmaǵyn basshylyqqa alyp, ıaǵnı, janýar adamǵa, janýarlarǵa shabýyl jasaǵan jaǵdaıda jáne janýarlar adamnyń, janýarlardyń ómirine nemese saýlyǵyna, sondaı-aq qoǵamdyq tártip pen qaýipsizdikke qater tóndiretin ózge de jaǵdaılarda, turǵyndardyń, ýchaskelik polıtsııa ınspektorynyń shaǵymyna sáıkes Aqtóbe qalalyq veterınarlyq stansasy búgingi kúnge deıin barlyǵy 754 bas ıtti aýlady. Qazirgi ýaqytta ıt aýlaýshy úsh top jumys jasap jatyr», - dedi habarlady Aqtóbe oblystyq veterınarııa basqarmasy.
Aıta keteıik, Aqtóbede 12 jastaǵy oqýshynyń denesi tabyldy. Boljam boıynsha ony ıt talap tastaǵan. Oqıǵa Aqtóbe qalasyndaǵy Eset batyr turǵyn úı alabynda boldy.
Keıin mert bolǵan oqýshynyń týǵan-týystary ıt ıesin jazalaýdy surady.
