Aqtóbede iri saýda oryndary bir aı boıy azyq-túlik baǵasyn kótermeıdi

AQTÓBE. QazAqparat – Aqtóbe oblystyq kásipkerlik basqarmasy men iri sýpermarketter ortaq kelisimge keldi. Jeltoqsan aıy men 15-qańtar arasynda áleýmettik azyq-túlik baǵasy óspeıdi, dep habarlaıdy QazAqparat tilshisi.

«Baǵa 1,5 aı boıy ózgermeıdi. Sonymen birge Turaqtandyrý qory bar. Birneshe saýda jelisi arqyly kókónis satýǵa shyǵaryldy. Kartop, sábizdiń kelisi 84, pııaz 63, qyryqqabattyń kelisi 74 teńgeden satylyp jatyr. Jyl basynan beri 300-den astam aýyl sharýashylyǵy jármeńkesi ótti. Onda baǵa bazar qunynan 15-20 paıyzǵa tómen boldy», - dedi oblystyq kásipkerlik basqarmasynyń basshysy Nurhan Tileýmuratov.

Aıta keteıik, barlyǵy 19 túrli azyq-túlik baǵasy óspeıdi. Ár iri saýda ornynyń kireberisine tizim ilinip, baǵasy qatar kórsetiledi.