Aqtóbede iri kólemde esirtki taratýshy ustaldy

AQTÓBE. Aqtóbe qalasyndaǵy úılerdiń biriniń aýlasynda sıntetıkalyq esirtki taratýmen aınalysqan 31 jastaǵy jergilikti turǵyn ustaldy, dep habarlaıdy QazAqparat ІІM baspasóz qyzmetine silteme jasap.

Ol polıtseılerge 87 polıetılen zıp-paketterin berdi, olardyń ishinde untaq zat bolǵan. Odan ári ustalǵan adamnyń turǵylyqty jerin tintý barysynda 17 polıetılen zıp-paket tabylyp tárkilendi, onyń ishinde túrli-tústi untaq zat bolǵan jáne qalanyń ár bólikterinde sıntetıkalyq esirtki salynǵan 25 belgi tabylyp, tárkilendi.

Saraptama kórsetkendeı, tárkilengen zat «mefedron» bolyp shyqty, tárkilengen esirtkiniń jalpy salmaǵy 800 gramnan asty.

Esirtkimen ustalǵan kúdiktiniń múlki tárkilenip, on jyldan on bes jylǵa deıingi merzimge bas bostandyǵynan aıyrý túrindegi jaza qoldanylady