Aqtóbede iri qarjy pıramıdalaryna qatysty is sotqa jiberildi
AQTÓBE. QazAqparat – Aqtóbede «Garant 24 Lombard», «Vygodnyı zaım», «Estate Lombard» jáne «Nur-Alı Kapıtal» JShS basshylaryna qatysty is sotqa tústi, dep habarlaıdy QazAqparat tilshisi.
«Garant 24 Lombard» JShS, «Vygodnyı zaım» JShS, «Estate Lombard» JShS jáne «Nur-Alı Kapıtal» JShS basshylaryna qatysty isti sotqa deıingi tergep-tekserý aıaqtalyp, kóktemde jábirlenýshiler ispen tanysty .
Tergeý aıaqtalǵanǵa deıin 17 myńnan astam jábirlenýshi ótinish jazdy.
Olarǵa 30 mıllıard teńgeden astam soma zalal kelgen.
33 kúdiktige qatysty kúzetpen ustaý túrindegi bultartpaý sharasy qoldanyldy.
6 kúdiktige kúzetpen ustaý túrindegi bultartpaý sharasymen birge halyqaralyq izdeý jarııalandy.
«Kúdiktilerdiń múlkine (qylmystyq áreketti júzege asyrý kezeńinde satyp alǵan), sondaı-aq lombardqa salynǵan múlikke tyıym salý boıynsha sharalar qabyldandy. «Garant 24 Lombard», «EЅTATE Lombard» jáne «Vygodnyı zaım» JShS qyzmetkerleri azamattardyń senimine kirip, birneshe tásildi qoldandy. Qazirgi ýaqytta qylmystyq is Aqtóbe qalasynyń №2 sotyna máni boıynsha qaraý úshin joldandy», - dep habarlady Aqtóbe oblysynyń prokýratýrasy.
