Aqtóbede iri qaranyń qyrylýyna baılanysty qylmystyq is qozǵalmaıdy
AQTÓBE. QazAqparat - Aqtóbede «Aktep» JShS-niń shetelden ákelgen maly qyrylyp, sharýashylyq basshysy polıtsııaǵa aryz jazǵan bolatyn. Polıtsııa qylmystyq is qozǵamady, dep habarlaıdy QazAqparat tilshisi.
Aqtóbe oblysy, Hromtaý aýdany, Qopa aýylynda sharýashylyqtyń iri qara maly qyrylyp, búgin veterınar maman eki nusqany usyndy. Alqashqy nusqa boıynsha maldyń bári shópten ýlanǵan. Ekinshi joramal boıynsha maldy qasaqana ýlaýy múmkin.
Biraq polıtsııa aryzdy qabyldaǵanymen, qylmys belgileriniń az ekenin málimdedi.
«Maldyń qyrylýyna baılanysty aryz tústi, biraq qylmys belgileri az bolǵan soń is qozǵalmady. Qazir sharýashylyq óz ishinde komıssııa quryp, tekserýdi júrgizip jatyr. Saraptama kezinde maldyń shópten ýlanǵany anyqtalǵan»,- dedi oblystyq ІІD baspasóz qyzmeti.
